#Zoo | Juramuti jorhenkuarhikueri uantasti enki marhoajka menki jauenani jorhenkuarhini iapurhu isï ka tachani na
Morelia, Michoacán, 1 de agosto de 2023.– Secretaría de Educación del Estado (SEE) p’imarhitpesïnti anchikuecharhu ka jorhenkuarhikuecharhu enki Zoológico Morelia anapurhu, Benito Juárez uanakasi.
Uaxastakuarhu jorhenkuarhikuecheri Zoológico Morelia anapueri, jimanki nitamakasi 230 sapicha, juramuti jorhenkuarhikueri Gabriela Molina Aguilar, uantasti enki uetarhejka i mintsikuarhikuecharhu menki jauenani jorhenkuarhini.
Enki uaxastanapkia jorhenkuarhikuechani, juramuti sesi erankusti eratsekua juramutiri Zoológico anapu, Julio César Medina Ávila, jimpoka uaka jorhenkuarhikuechani ch’kurhicheri ka manakuarhiricheri.
Ka juramuti jima anapu eiampesti tachani anchikuechani jimanki sapicha nitamaka, ka enki sesimintu eratsenakasi na uani. Ka juramuti medio ambiente anapu, Alejandro Méndez López, p’imarhiasti sapichani enki sesikua jinkoni urakasi i jorhenkuarhikuechani.
Zoológico mitakata jauati pauani pauani 10:00 a 18:00 atakuecharhu; enki uejka tachani anchikuechani jima anapuechani minarhikuani uetarhesïnti inchanarhikuni imeri Facebook arhikatarhu, o axani correo ma promocion.zoomorelia@gmail.com
